ဘယ်လို စား စား သုညပဲ ရတယ်။

ဘယ်လို စား စား သုညပဲ ရတယ်။



ကိုယ့်ကိုယ်ကိုယ် ခွဲစိတ်ဖို့အတွက် ဓါးတစ်လက် ထုတ်လိုက်တယ်။
ဓါးက တဆက်ဆက် တုန်နေပါလား။ ဒါဆို ရောဂါ ရှိနေပြီ။
သူ့ကို အရင်ဆုံး ဓါတ်ခွဲကြည့်ရမယ်။ ဆိုလား။
ဒါ သံမဏိပဲ။ တရွရွနဲ့ ထက်တယ်။
ဒါကြောင့်ပဲ ထင်တယ်။ သူ
အရာရာကို မကြောက်တတ်တာ။ ဒါပေမယ့်
သံမဏိလည်း ငရဲ မီး စား တယ်။
အနိစ္စ စား တယ်။ သင်္ခါရ စား တယ်။
ကျုပ်ကို တည်ပါ။
ပညာနဲ့ စား ကြည့်၊ အဖြေက သုည။
စာရိတ္တနဲ့ စား ကြည့်၊ အဖြေက သုည။
ဂုဏ်ဒြပ်နဲ့ စား ကြည့်၊ အဖြေက သုည။
ကိုယ်ခြင်းစာမှုနဲ့ စားကြည့်။ ဟော
အဖြေ ပြောင်း သွား ပြီ။ သုညကိုတော့ လွန်ခဲ့ပြီ။
ဘယ်လား။ ညာလား။ အပေါ်လား။ အောက်လား။
3D ထဲကလည်း လွတ်မြောက်ချင်ပါပြီ။ ဟိုး
အရှေ့ကို မျှော်ကြည့်ပါဦး။
ခင်ဗျား Dimension နောက်တစ်ခုကို တွေ့ကောင်းတွေ့မယ်။
အဲဒါ ကျုပ်ပဲ။
ကိုယ့်ကိုယ်ကိုယ် ခွဲရင်း ငရဲ ကျ နေ တာ။



ကြယ်စစ်သည် (10 SEP 2012)

မြို့ပြနဲ့ ဒုက္ခ ဆိုလား။

မြို့ပြနဲ့ ဒုက္ခ ဆိုလား။


ကျွန်တော့်ခြေထောက်ပေါ် နင်းတက်လိုက်တာ ဘယ်သူလဲ။ လောကဓံလည်း ဖြစ်နိုင်တယ်။ မွန်းကျပ်မှုလည်းဖြစ်
နိုင်တယ်။ ခြေဖ၀ါးနုနုလေး တစ်စုံလည်း ဖြစ်နိုင် တယ်။ အဖြစ်နိုင်ဆုံးကတော့ သူလိုကိုယ်လို လူတစ်ယောက်ပဲ။
ရုတ်တရက် ငဲ့ကြည့်မိတယ်။ မိန်းမကြီးတစ်ယောက်ပဲ။ ကလေးငယ်လေးတစ်ယောက်ကို ချီထားတယ်။ အရှေ့က
အမျိုးသားက ထပဲ ပေးရမလား။ ဆက်ပဲ ထိုင်နေရမလား။ ဇဝေဇ၀ါဖြစ်နေတယ်။ သူ့ဘေးမှာလည်း ဦးဇင်းတစ်ပါး
က ထိုင်နေသေးတယ်။ နောက်ဆုံးတော့ အမျိုးသားက ကလေးကိုပဲခေါ်ချီထားလိုက်တယ်။ ဒါလည်း နားလည်မှုပဲ။
အဆင်ပြေမလို ဖြစ်သွားတယ်။ ကလေးက “ ဗြဲ ” ခနဲ ထ ငိုလို့ အဆင်မပြေသေးသလိုပဲ။ နောက်ဆုံးတော့ အမျိုး
သား ဘေးက အမျိုးသမီးငယ်တစ်ယောက် ထ ပေးလိုက်တယ်။ ဒီလိုနဲ့ အဆင်ပြေသွားပြန်တယ်။ အံဝင်ခွင်ကျပဲ။
ခွင်မကျတာက Speed & Space ပဲ။ ဒါက ဒီလောက်ဝန်ဆို အန္တရာယ် များတယ်။ ဒီဝန်နဲ့ကို Speed တင်ရင် ပိုပြီး
အန္တရာယ် များတယ်။ ဒီလိုပါပဲ နေ့တွက်မကိုက်ရင် သူ့အတွက်လည်း အန္တရာယ်များတယ်။ အဲဒီ့မှာ အန္တရာယ်တွေ
ကို လွယ်ထားတယ်။ ဘယ်လိုပြင်သွားမလဲ။ လွယ်ပါတယ်ဆိုပြီး အစီးရေကို ထပ်ပြီးတိုးချဲ့လိုက်တယ်။ ဒါနဲ့ မကိုက်
တာက မြို့ပြလမ်းဆိုတာပဲ။ တွေးမယ်ဆို တစ်မြို့လုံးမှ အစီးရေက ငါးသောင်းလောက်ပဲ အဆင်ပြေမယ်။ အဲဒီ့လမ်း
တွေက ဒီလောက်ပဲ ထမ်းနိုင်တယ်။ ဒီ့ထက် ပိုလာရင် ပြည့်ကျပ်ညပ်လာမယ်။ ဒါလည်း အန္တရာယ် များတာပဲ။ ဘယ်
သူက တရားခံလဲ။ ဒီ ဒဏ်တွေကို ဘယ်သူတွေ အဓိက ခံ ရတာလဲ။ လူအချို့ ပြောတဲ့ ငရဲဆိုတာကကော ဘာလဲ။
နေ့တိုင်း ကြား နေရတာကတော့ အသံတွေပဲ။ ကျပ်တယ်။ အရှေ့ကို နဲနဲလျောက်ပါ။ အလယ်မှာ အချောင်ကြီး။ အ
လုပ် နောက်ကျ တော့မှာပဲ။ တချို့က အော်လို့။ တချို့က အူလို့။ တချို့က ဆူလို့။ တချို့က ဆဲလို့။ ဘာလဲ။ ခင်ဗျား
ဘာပြောလိုက်တာလဲ။ နေ့တိုင်းပဲ ကြား နေရပါတယ်။ အသံတွေ။ ဘာ အသံတွေလဲ။ ဘာလဲ။ ခင်ဗျားကကော ဘာ
ပြောလိုက်တာလဲ။ သဲ့သဲ့လေးကြားပါတယ်။ ဘာတဲ့ “ အလုပ်လုပ်ရတာထက် လိုင်းကားတိုးစီးရတာ ပိုပင်ပန်းတယ် ”
ဆိုလား။ အမြဲတမ်းလည်း ကြားရပါတယ်။ ဘာတဲ့ “ လိုင်းကားစီးရတဲ့ ဒုက္ခ ” ဆိုလား။



ကြယ်စစ်သည် (၇ စက်တင်ဘာ ၂၀၁၂)

အပျံသင်ခါစ စာကလေးတစ်ကောင်၏ ပြန်စာ

အပျံသင်ခါစ စာကလေးတစ်ကောင်၏ ပြန်စာ


ကတ်ကြေးတစ်လက်ဟာ တောက်လျောက်ပဲ လိုက်ကိုက်နေတယ်။ တစ်သိုက် ပြီး တစ်သိုက်။
ငှက်တွေကလည်း အသိုက်မှာ မရှိဘူး။ နွားကွဲလို့ ကျားဆွဲခံရတယ် ထင်တယ်။ မရေမရာ။ ကပ်
ပြီးတော့ ဂျီးများနေတယ်။ ကပ်ပြီးတော့ ချေးငှါးနေတယ်။ ကပ်သီးကပ်သက်ပဲ။ ဒီလူ ဘယ်လို
လူလဲ။ လက်ပေါက်ကပ်တယ်။ လက်က မပေါက်ဘဲ စိတ်ကဖောက်လာပြီး ညှပ်တယ်။ တိ ခနဲ။
ရိ ခနဲ။ ထိကပါး၊ ရိကပါး။ သူ့ကို သိသလားဆိုတော့လည်း သိသလိုပဲ။ ဟိုလိုလို ဒီလိုလိုပဲ။ ရိုးတိုး
ရိတ်တိတ်။ ရိုးသားမှုကို တိုးပါ။ အတိတ်ရဲ့ အရိပ်ကို ဖတ်ပါ။ ကျေးဇူးပြုပြီး နေရာတိုင်းမှာ မညှပ်
ပါနဲ့။ အရာရာဟာ နေသားတကျ ကျပ်ညပ်နေခဲ့ပါပြီ။ လျှော့ပါ။ လျော့ပါ။ အဲဒီ့ကြိုးတွေက အ
ရမ်း တင်း တာပဲ။ နေရင်းထိုင်ရင်း ဒေါသ ထွက် လာတယ်။ ပြန် ၀င် မရ။ အသွားလည်း ၀င်မရ။
မြို့တံခါးအောက်မှာ ပိတ်မိနေတယ်။ ကယ်ပါ။ သူတောင်းစားတော့ မဟုတ်။ သူတောင်းလို့ ရသ
မျှကိုလည်း စား မပစ်ရ။ ဒီနေရာဟာ တားမြစ်နယ်မြေ။ ထီမထိုးရ။ လေမရှုရ။ ထပ်၍ ဆိုပါမည်။
ဒီနေရာဟာ တားမြစ်နယ်မြေ။ မလှုပ်ရ။ ဖြတ်သန်းသွားလာခွင့် မရှိ။ မသိရ။ ရတာတွေများလို့
သေ တတ်သည်။ တတ်ပင်တတ်သော်လည်း ရေငုံနှုတ်ပိတ်/ရေမငုံဘဲ နှုတ်ဆိတ်။ ဆွံအ။ မသန်
မစွမ်းတော့ မဟုတ်။ မသန်ပေမယ့်လည်း စွမ်းသည်။ ကတ်ကြေးတစ်လက်ကဲ့သို့ ကျွမ်းသည်။
သို့သော် မကိုက်။ ကိုက်ညီသည် ဖြစ်စေ၊ မကိုက်ညီသည် ဖြစ်စေ မရိုက်။ ခြင်တွေ ကိုက်သည်။
မရိုက်ဘဲ ခါ ထုတ်လိုက်သည်။ အဲဒီ့နားမှာ ရပ်မည်။ အဆုံးသတ်။


ကြယ်စစ်သည် (၅ စက်တင်ဘာ ၂၀၁၂)

ရှူဆေး

ရှူဆေး






ထုံ ကျင် နေတဲ့သူတွေ ရှူ ရတယ်။
ထုံ ကျင် အောင်အလုပ်ခံထားရသူတွေ ရှူ ရတယ်။



မင်းသိုက်ထွန်း (၁၆ အောက်တိုဘာ ၂၀၁၂)

သိမ်းထားတဲ့ နိုဝင်ဘာကို ခဏလောက် ပြန်ထုတ်ပေးပါဦး စေတန်။

သိမ်းထားတဲ့ နိုဝင်ဘာကို ခဏလောက် ပြန်ထုတ်ပေးပါဦး စေတန်။

 








နေ့ဟာ အရောင်မရှိဘူး။
ဆောင်း မသိသေးတဲ့အကြောင်းတွေချည်းပဲ နှင်းက ပြောတယ်။
မင်္ဂလာပါ မိုး။ မနက်တွေ မရိုးခင်မှာ
တို့နှစ်ယောက် နေရာချင်း ချိန်းကြမယ်။






မင်းသိုက်ထွန်း (၃ အောက်တိုဘာ ၂၀၁၁)

ခွဲ

ခွဲ



စကားတဲ့။ ယုံတမ်းပဲ။
စကတည်းက ကားလာခဲ့တယ်။
ခြောက်လမ်းသွားမှာ အချောက်တွေ လမ်းသလားတာက အစ။
အ တဲ့ သူတွေပဲ ပြန်ပြန် စ ကြတယ်။
ဖိုးကြယ်/ မှူးနေ/ ခံနိုင်ရည် အပါအ၀င်။
ပိုးချည်တွေ ငင်ကြတယ်။ အိမ် တစ်လုံး။ နှစ်လုံး။
တချို့က ပြုံးတယ်။ တချို့က ရှုံးတယ်။ လားရာ။


စကားလုံးတွေကလည်း ယုံတမ်းပဲ။
ပုံပြင်တွေကို ဖမ်းတယ်။ ကြမ်းလို့ ဆိုရုံနဲ့
နိမ့်တာပဲ မြင်ရင် ရှမ်းတယ်။ ကစဥ့်ကလျား။
ဝင်္ကပါ။ စစ်တုရင်။ မန်နေဂျာ။


“ ငါ့ လှေ ငါ ထိုးတာ ပဲခူးရောက်ရောက်ပေါ့။ မင်း နဲ့ ဘာဆိုင်လဲ။ ”
“ ပဲခူးမရောက်ဘဲ လှေမှောက်ပြီး တဂိုးဆီရောက်သွားမှာစိုးလို့
သတိပေးတာ တားမရရင်လဲ သဘောပဲ။ ”
“ အဖေတို့ ခေတ်မှာ မရှိဘူး။ သမီးတို့ ခေတ်မှာပဲ ရှိတာ။ ”
“ ဒါနဲ့ ခေတ်ဆိုတာ ဘာလဲ။ ”


စ လိုက်တာနဲ့ တန်းယုံတာပဲ။ ရယ်သွမ်းသွေး။
မဲ့သွမ်းသွေး။
မှန် ကိုပဲ ငေးနေမိတယ်။ ဇရာ။


တစ်ခါတလေတော့ ငြုပ်ရုပ်သီးကို ဈေးကြီးပေးပြီး
ဝယ်စားချင်တာပေါ့။
ကျုပ်တို့ဟာ အစပ်ကြိုက်တတ်ကြတယ် မဟုတ်လား။ ကျိန်စာ။



မင်းသိုက်ထွန်း (၂၉ စက်တင်ဘာ ၂၀၁၂)

အိမ်ကလေး

အိမ်ကလေး



မိုးက တိမ်ကို မထားခိုဘူး။
အသားမကျမှုက အချိန်မရွေး ပြောင်းပြန်စီးတယ်။
အိမ်ကလေး။

ရေမယိုဘဲ ထီးကာတယ်။ အဲဒါ
မီး မဆော့ရလို့ ပြောတော့
ဆိုင်းဘုတ်ကြီးပဲ ပြေးပြေးမြင်တယ်။ အိမ်ကလေး။


အစကတော့ ရိုးတယ်။
တဖြည်းဖြည်းလည်း မဆိုးလာအောင်
ဝိုင်းဝန်းတည့်မတ်ကြမယ်။ အိမ်ကလေး။

. . . . . . . . . . . . . . . . . . . .
. . . . . . . . . . . . . . . . . . . . 
 
မိ နဲ့ ဖ လို့ပြောရင်လည်း သိကြပါတယ်။
ကျ သိ ပါတယ်။ မီး
မလုံဘူး။ ရေ လှုံတယ်။
အမိုးအကာ မလာဘူး။ အထားအသို
မပြိုဘူး။ အိမ်ကလေး။

ဟိုး အရှေ့မှာ လက်တန်း အော်ရောင်းနေကြတယ်။
ဒီဘက်က အခန်းတွေကလည်း ပြောင်းပြောင်းလာတယ်။
မဆန်းဘူး။ ရိုးတယ်။ အိမ်ကလေး။
မရဘူး။ ပြင်မယ်။ အိမ်ကလေး။

ရေချိုးခန်းရဲ့ အထွက်မှာ စကားလုံးအကြီးကြီးတွေ
ကပ်ထားတယ်။ သန့်စင်ပြီးတိုင်း
ဖတ်ရမယ်။ အိမ်ကလေး။

. . . . . . . . . . . . . . . . . . . .
. . . . . . . . . . . . . . . . . . . .


ပိုလျှံနေရာလို့ သေချာတယ်ဆို
အိမ်နောက်ဖေးမှာ ဈေးဆိုင်တည်မယ်။
အိမ်ကလေး။
အခန်းတွေ ဖွဲ့ထားမယ်။ အဖွဲ့တွေလည်း
ခမ်းသွား မစိုးတယ်။ အိမ်ကလေး။
အနောက်တောင်မှာ တံခါးပေါက် ထားမယ်။
တံတားဖောက် ထားမယ်။ အိမ်ကလေး။

ရင်သွေးတိုင်းကို စောင့်ရှောက်မယ်။
ဧည့်သည်တိုင်းကို ဖေးမမယ်။
အရေးကြီးရင် သွေး နီးမယ်။ သွေး နီမယ်။
မျှမျှတတ ရကြပါစေ။ အိမ်ကလေး။

အနက်နာတွေကို မျှဝေခံစားရမယ်။ အေးသမျှကိုလည်း
ဝေမျှ ကြမယ်။ အိမ်ကလေး။

. . . . . . . . . . . . . . . . . . . .
. . . . . . . . . . . . . . . . . . . .


အနာဂတ်တွေ မဝေးဘူး။
မနက်ဖြန်ဟာလည်း အနာဂတ်ပဲ။
ကလေးငယ်ဟာလည်း အနာဂတ်ပဲ။
နောက်ဖေးဈေးဆိုင်ဟာလည်း အနာဂတ်ပဲ။
ကြောင်က ကြွက်ကို မတွက်ကပ်ဘူး။
လိုအပ်ရင် မီးဖိုကလည်း အနွေးဓါတ်ပေးမယ့် အိမ်ကလေး။

ထင်းက ထင်းလိုမနေလည်း
ဓါးက စိတ်မတိုဘဲ နားလည်ပေးရမယ်။
ထိန်းသိမ်းစောင့်ရှောက်ကြမယ်။ အိမ်ကလေး။

ရွှေအေးနားယောင်မစိုးလို့ လျောက်ပြန်သံတွေလည်း
လျော့ရမယ်။ နောက်ပြန်တာတွေလည်း
လျော့ရမယ်။ အိမ်ကလေး။

တစ်ချပ်ပျက်ရင် တစ်ခါပြင်မယ်။
တစ်လက်နားရင် အားတဲ့လက်က ကူမယ်။
အားလုံးအတွက် မျှတူညီမယ့် အိမ်ကလေး။

. . . . . . . . . . . . . . . . . . . .
. . . . . . . . . . . . . . . . . . . .


အမိုးထိရင် တစ်အိမ်လုံး နာမယ်။
အကာထိရင် တစ်အိမ်လုံး နာမယ်။
လသာထိရင် တစ်အိမ်လုံး နာမယ်။
ပြတင်းထိရင် တစ်အိမ်လုံး နာမယ်။
ကြမ်းခင်းထိရင် တစ်အိမ်လုံး နာမယ်။
လက်သည်း ဆိတ်ရင် လက်ထိပ်ကလည်း နာမယ့် အိမ်ကလေး။

မြီဟောင်းကိုလည်း လေးစားရမယ်။
မြီသစ်ကိုလည်း ချေးငှါးရမယ်။ အိမ်ကလေး။

ရေကပြင်မှာ မြစ်ကို မတင်ဘူး။
ထမင်းစားပွဲမှာ ဇာတ်တူသား မထားဘူး။
ဧည့်ခန်းအနားမှာ အိနြေ္ဒကြီးတစ်ခွဲသားနဲ့
ယဉ်ကျေးမှုကို ခန့်ခန့်ကြီး ချပြထားမယ်။ အိမ်ကလေး။

တစ်သက်စာအတွက်
တစ်ရက်ချင်းကို ပေါင်းစုရမယ်။
တစ်လချင်းကို ပေါင်းစုရမယ်။
တစ်နှစ်ချင်းကို ပေါင်းစုရမယ်။
ကောင်းကျိုးပြုမယ့် တောင်းဆုမှန်သမျှ
ပြည့်ဝရမယ်။ အိမ်ကလေး။

ဒို့ သမိုင်းတစ်ခုမှာ နှိုင်းတုမရအောင်
ရာဇ၀င်မှာ အက္ခရာတင်မယ့် အိမ်ကလေး။

. . . . . . . . . . . . . . . . . . . .
. . . . . . . . . . . . . . . . . . . .

ငါတို့ အိမ်ကလေးရဲ့ အမည်ကို
ရိုးမြင့် လို့ပေးမယ်။ ဒါ
သမိုင်းဝင် စီမံကိန်းပဲ။
နောင်လာနောင်သားတို့ ဆက်လက်ထိန်းသိမ်းကြစေ။




မင်းသိုက်ထွန်း (၁၅ စက်တင်ဘာ ၂၀၁၂)