အရေးကြောင်း
ကဗျာတစ်ပုဒ်ဟာ အလုပ်တစ်ခုကို စတင်လိုက်တယ်။ ဒါဟာ
နိယာမ တစ်ခုရဲ့ အချိုးအကွေ့ပဲ။
သက်ပြင်းချတယ်။ တိုးဝှေ့တယ်။
ကွယ်ထားတယ်။ ပတ်သွားမယ်။
အရှိန်ဟာ နေရာယူဖို့ ကြိုးစားတယ်။
သူ့ရဲ့ ယန္တားယားထဲကို သွပ်သွင်းတယ်။
ရင်ဆိုင်တယ်။ တည်ရာအရပ်ကို ဆက်တယ်။
ဖျက်မျဉ်းတချို့ကလည်း ပြောတယ်။
ရေ အတွက် ငါးမလိုဘူး။
ငါးအတွက်တော့ ရေ လိုတယ်။ ဟင့်အင်း။
ကိုယ်ကတော့ ဆီပဲ။ တစ်စက်တည်း။
နေပြင်းလည်း မမှောက်ဘူး။
ရေများလည်း မကြောက်ဘူး။
ရောက်ရာအရပ်ကနေ တက်လာတယ်။
ရောက်မယ့်နေရာကနေ ခရီးဆက်မယ်။
ရှေ့တစ်လှမ်းဟာ တော်ဝင်နန်းပဲ။
ရှေ့တစ်လှမ်းဟာ ခရီးကြမ်းပဲ။
ရှေ့တစ်လှမ်းဟာ ကျောက်မျက်ခန်းပဲ။
ရှေ့တစ်လှမ်းဟာ ခရောင်းလမ်းပဲ။
တစ်ခန်းပြီးမှ တစ်ခန်းသွားမယ်။
နားသင့်ရာမှာ နားတယ်။
ခရီးဖော် စကားစုတွေက မေးကြတယ်။
ဘယ်လမ်းဟာ အဆုံးခန်းလဲ။
ဒီ ပါဒရဲ့ အဆုံးဟာ နောက် ပါဒရဲ့ အစ ဖြစ်တယ်။
ကကြီးက လာခဲ့သူဟာ ကကြီးရောက်မှ ပုဒ်မချမယ်။
အဲဒီမှာ
ကဗျာတစ်ပုဒ်ဟာ အလုပ်တစ်ခုကို အဆုံးသတ်တယ်။
အရှိန်၊ ဦးတည်ရာနဲ့ ကဗျာရဲ့ အားပြိုင်ပွဲမှာ
နောက်ပါဒတွေအတွက် ရှုံးတယ်။ ဒါဟာ
နိယာမတစ်ခုကို ချွင်းချက်မဲ့ လက်နက်ချခြင်းလည်း ဖြစ်နိုင်တယ်။
မျိုးစေ့ချခြင်းလည်း ဖြစ်နိုင်တယ်။ နောက်ထပ်
ကဗျာတစ်ပုဒ်ဟာ အလုပ်တစ်ခုကို စတင်လိုက်တယ်။
ကြယ်စစ်သည် (၁၇ မတ် ၂၀၁၃)
No comments:
Post a Comment